حكوومه‌ت هه‌رێم كوردستان نوێنه‌رخوه‌ی له پۆلۆنيا دامه‌زران
شه‌فه‌ق نيوز/ ئمڕوو په‌نجشه‌ممه، وه‌رپرس په‌يوه‌نديه‌يل خارجی له حكوومه‌ت هه‌رێم كوردستان، ئاشكرای دامه‌زرانن نوێنه‌ريگ له‌پۆلۆنيا ئاشكرا كرد له‌چوارچيوه‌ی هه‌ولَداينی ئه‌را په‌ره‌داين وه‌ل په‌يوه‌نديه‌يل ناوده‌ولَه‌تی له‌بان بنه‌مای به‌رژه‌وه‌ندی هاوبه‌ش.
له‌ی باوه‌ته‌و فه‌لاح مسته‌فا ئه‌را(شه‌فه‌ق نيوز) وت: حكوومه‌ت هه‌رێم بريار دامه‌زرانن زياد ره‌ووف دا وه‌ك نوێنه‌رحكوومه‌ت هه‌رێم كوردستان له پۆلۆنياو جه‌خت له‌وه‌يش كرد ك گامه له‌ئاكام ئه‌و سياسه‌ت په‌يوه‌نديه‌يله‌سه له‌بان بنه‌مای به‌رژه‌وه‌نديه‌يل هاوبه‌ش وه‌ل ده‌ولَه‌ته‌يل جه‌هان.
مسته‌فا هه‌ميش وت: حكوومه‌ت هه‌وڵ په‌ره‌داين په‌يوه‌نديه‌يلی وه‌ل پۆلۆنيا ئه‌ياد له‌بواره‌يل سياسی و ئابووری و رووشنهويری و كلتووری، ك له‌هه‌مان وه‌خت ئوميده‌واروی ك نوێنه‌رايه‌تی حكوومه‌ت هه‌رێم له پۆلۆنيا بوود پيه‌ڵيگ له‌ناونی سه‌رمايه‌داره‌يل و كۆمپانيايه‌يل و ژويه‌ره‌يل بازرگانی پۆلۆنی و كوردستانی.
---------------------
هامشوو ئۆتۆمۆبيل له‌بان پيه‌ڵ ئه‌ڵوه‌ن له‌خانه‌قین قه‌يه‌غه كريا
شه‌فه‌ق نيوز/ ئمڕوو په‌نجشه‌ممه، وه‌ڕێه‌وبه‌رايه‌تی پۆليس هامشوو له قه‌زای خانه‌قین سه‌ر وه پارێزگای دياله، هاتوچوو گشت جووره ئۆتۆمۆبيله‌يليگ وه‌بان پيه‌ڵ كوچگين مێژوويی ئه‌ڵوه‌ن قه‌يه‌غه كرد.
له‌ی باوه‌ته‌و په‌يامنێر(شه‌فه‌ق نيوز) له خانه‌قین وت: وه‌ڕێه‌وبه‌رايه‌تی هامشوو له قه‌زاگه ده‌سكردگه‌سه دانايان كوچگ له‌وه‌رده‌م هامشوو ئۆتۆمۆبيله‌يل وه‌بان پيه‌ڵ ئه‌ڵوه‌ن مێژوويی له‌وه‌رخاتر خاسسازيكردن و تازه‌كردنه‌وه‌ی ئه‌و شوونه‌يله ك زه‌ره‌د دينه له‌ئاكام داوه‌زينی له بنه‌ڕه‌ته‌و.
په‌يامنێرشه‌فه‌ق نيوزهه‌ميش وت: لايه‌نه‌يل په‌يوه‌نديدار تايبه‌ت وه ئاوه‌دانی و خاسسازی له قه‌زاگه ده‌سكه‌نه خاسه‌وكردن پيه‌ڵه‌گه‌و ئه‌و شوونه‌يليه ك زه‌ره‌د وه‌پی ره‌سيه، ك ئه‌ويش له‌ئاكام شكايه‌تكردن رێكخرياگه‌يل كوومه‌ڵگای مه‌ده‌نی له خانه‌قین وه‌تايبه‌ت ليژنه‌ی وه‌رگری له به‌رژه‌وه‌ندی گشتی له خانه‌قین.
---------------
ئه‌حمه‌د تورك: "وه‌ی زویه كوردستان گه‌ورا دامه‌زریه‌ێ
شه‌فه‌ق نیوز/ هاوسه‌رۆك پارت كومه‌ڵگای دیمۆكراتیك له باكوور كوردستان ئویشێ: وه‌ی زویه هه‌ر چوار پارچه‌ی كوردستان سه‌روه‌خوه‌یی خوه‌یان وه‌ده‌س ئه‌یه‌رن و یه‌كه‌وگرن.
ئاژانس ده‌نگوباس خه‌به‌ر تورك له‌ی باوه‌ته خه‌وه‌رداگه ك ئه‌حمه‌د تورك هاوسه‌رۆك كومه‌ڵگای دیمۆكراتیك ك نوێنه‌ر شار كوردنشین ماردینیشه له په‌رله‌مان توركیا له ئاهه‌نگ شادییگ وتگه: بایه‌د گشت ملله‌ت كوردستان ئاگادار بوون ك هه‌ر چوار پارچه‌ی كوردستان وه‌ی زویه یه‌كه‌وگرن.
ئه‌حمه‌د تورك له به‌شیگ تر قسه‌گانی سوپاس كورده‌یل سوریا له شاره‌یل قامشلو و عه‌فرین و دێریك و ئامودا و حه‌مكۆ و كوبانی كرد و ئاماژه وه‌یه‌یش كرد ك وه‌ی زویه پاداش زه‌حمه‌ت و شه‌كه‌تیه‌یلیان دریه‌ێ.
ناوبریاگ یه‌یش خستگه‌سه روی ك نه‌ته‌وه‌ی كورد له خوه‌ر هه‌ڵات ناوڕاس بووده پیشه‌نگ شۆڕش نه‌ته‌وه‌یل زوڵم له‌لیكریاگ.
جى باسه یه یه‌كمین وتار ئه‌حمه‌د توركه له شوون رێگریه‌گان ده‌سه‌ڵاتداره‌یل تورك له خوه‌ینیشانداین مه‌ردم شار ئامه‌د له باكوور كوردستان.
ئاژانس ده‌نگوباس خه‌به‌ر تورك له‌ی باوه‌ته خه‌وه‌رداگه ك ئه‌حمه‌د تورك هاوسه‌رۆك كومه‌ڵگای دیمۆكراتیك ك نوێنه‌ر شار كوردنشین ماردینیشه له په‌رله‌مان توركیا له ئاهه‌نگ شادییگ وتگه: بایه‌د گشت ملله‌ت كوردستان ئاگادار بوون ك هه‌ر چوار پارچه‌ی كوردستان وه‌ی زویه یه‌كه‌وگرن.
ئه‌حمه‌د تورك له به‌شیگ تر قسه‌گانی سوپاس كورده‌یل سوریا له شاره‌یل قامشلو و عه‌فرین و دێریك و ئامودا و حه‌مكۆ و كوبانی كرد و ئاماژه وه‌یه‌یش كرد ك وه‌ی زویه پاداش زه‌حمه‌ت و شه‌كه‌تیه‌یلیان دریه‌ێ.
ناوبریاگ یه‌یش خستگه‌سه روی ك نه‌ته‌وه‌ی كورد له خوه‌ر هه‌ڵات ناوڕاس بووده پیشه‌نگ شۆڕش نه‌ته‌وه‌یل زوڵم له‌لیكریاگ.
جى باسه یه یه‌كمین وتار ئه‌حمه‌د توركه له شوون رێگریه‌گان ده‌سه‌ڵاتداره‌یل تورك له خوه‌ینیشانداین مه‌ردم شار ئامه‌د له باكوور كوردستان.
هیچ نظری موجود نیست:
ارسال یک نظر