لیژنه‌ی یاسایی په‌رله‌مان: دادگای ئتحادی لایه‌نگری حكوومه‌ت ئه‌كا له بڕیاره‌یلی
شه‌فه‌ق نیوز/ ئمڕوو شه‌ممه، ئه‌ندامیگ له لیژنه‌ی یاسایی له ئه‌نجوومه‌ن نوێنه‌ره‌یل، تومه‌تبار دادگای ئتحادی كرد وه ئه‌وه‌ك لایه‌نگری حكوومه‌ت ئه‌كا له بڕیاره‌یلی.
له‌تیف مسته‌فا، ئه‌ندام لیژنه‌ی یاسایی په‌رله‌مان ئه‌را (شه‌فه‌ق نیوز) وت: تومه‌ته‌یلیگ ها له‌بان دادگای ئتحادی ئیسه ك گوایا لایه‌نگری بریاره‌یل حكوومه‌ت ئه‌كا، ك ئی مه‌سه‌له‌یشه زیاتر له لایه‌نیگ له‌بانی لێدوان دا.
مسته‌فا هه‌میش وت: دادگای ئیسه له‌وه‌رجه دامه‌زرانن ده‌ستووردامه‌زریاو زوورم ته‌وه‌ره‌یل چوارچیوه‌ی دادگاگه ك له‌ده‌ستوور عراقی هاتگه له‌ی دادگای ئیسه ناكریه‌یده دی و مكوڕی فره‌یگیش هه‌س له‌لایه‌ن زوورم فراكسیۆنه‌یل ئه‌را وه‌كاربردن یاسای دادگای ئتحادی.
/////////////////
ده‌نگ ئه‌مریكا كه‌ناڵیگ كوردی واز ئه‌كا
شه‌فه‌ق نیوز/ ئمڕوو شه‌ممه، سه‌رچه‌وه‌یگ له رادیۆی ده‌نگ ئه‌مریكا جه‌خت له‌وه كرد ك ده‌نگ ئه‌مریكا ئه‌خوازێ كه‌ناڵیگ ته‌له‌فزیۆنی ئاسمانی وه زووان كوردی واز بكا دویای ئه‌وه‌ك له نیسان گوزه‌یشته ده‌سكرده په‌خش ئێزگه‌یی جوور سه‌ره‌تای وازبوین كه‌ناڵه‌گه.
له‌ی باوه‌ته‌و، موتلو جیفیر ئۆغڵۆ پیشكه‌شكار به‌رنامه له به‌ش زووان كوردی له‌ئێزگه‌ی ده‌نگ ئه‌مریكا (VOA) وت: ئێزگه‌ی ده‌نگ ئه‌مریكا وه زووان كوردی له مانگ نیسان گوزه‌یشته‌و ده‌سكرده په‌خش (ته‌له - رادیۆ) ك یه‌یش جوور گامیگ سه‌ره‌تایی دانا ئه‌را دامه‌زرانن ته‌له‌فزیۆنیگ وه زووان كوردی.
ئۆغڵۆ هه‌میش وت: ئی گامه رویوه‌ڕوی سه‌ختیه‌یل فره‌یگ بووده‌و له‌وه‌رئه‌و قه‌یران ئابووریه ك له‌ساڵ ٢٠١٠ هاته تویش جه‌هان، وه‌ل ئه‌وه‌یشا وت: ده‌نگ ئه‌مریكا به‌رنامه‌یلی وه ٤٥ زووان جیاواز په‌خش ئه‌كاو یه‌كیگ له‌وانه‌یش زووان كوردیه.
هیچ نظری موجود نیست:
ارسال یک نظر