بلاون
له شووند ئاسمان ده‌س ناده گیری
چزه دا لیم دواره زه‌رده‌سیری
وه‌هارم بۊ وه زمسان دریژێ
بلاون دا له ژێر په‌مله‌گیری
له ئێلاخان ده‌نگْ شینه نیه‌زانی؟!
چوه كیشامه له شوند گه‌رمه‌سیری
تنیش چید و جوانی چێ وه تاڵان
سه‌رم نامه له وژنێ وشكْ پیری
وه خوه‌م ئۊشم شه‌وێ تێدن تْ بایده‌و؟
چەنێ شێتم نیه‌زانم له‌وره گیری
عه‌لی ئوڵفه‌تی
گه‌رمه‌شین
خانزاده‌ی خه‌مان
شازاده‌ی كه‌ڵڕ، شاهْ شه‌هبازان
شه‌ڕ كه‌یدن چه‌وی، سه‌ر چه‌وك بازان
هه‌ر له ملیه‌نه‌ی، تا دریاچه‌ی وان
ژێرباخیش له‌و دیم، سه‌ركه‌ش سه‌ره‌یوان
كه‌ڵڕ گشت گه‌ردیم تا مڵك بابان
هه‌رده وه هه‌رده، وێنه‌ی غوڵامان
كرمانج و كه‌ڵڕ، سۆران و گۆران
له شێوه‌ی نیه، له ناو ئه‌رده‌ڵان
قه‌ڵای گیه‌ڵان تا چیاگاوانان
وه خڕخاڵْ خانزاده‌ی خه‌مان
یه كورده باڵاس، ئاریایی په‌تی
ده‌رمان زامان جه‌رگ له‌ت له‌تی
شنه‌ی شه‌ماڵ و زڵه‌ی زڵفه‌گه‌ی
ئه‌رغه‌نوون ژه‌نان، نه‌غمه و نای و نه‌ی
كه‌ڵانه‌ی مه‌شكه‌ی، پیرۆزه‌ی مادی
خرنگه‌ی خرخاڵی، ته‌رانه‌ی شادی
ڕه‌نگین و ڕه‌ژیای ڕه‌شتاره خانی
مه‌ر وێنه‌د ڵه ناو ئه‌رژه‌نگ مانی
تْ ته‌رك و تۊله، تاۊ كیانی
شاهینْ شه‌ش په‌ڕ، بازْ به‌یانی
خه‌یاڵْ خاڵْ، خانزاده‌ی خه‌مان
هه‌ر پایز تیه‌رن، شه‌ماڵ و زه‌لان
ئه‌ڕای چه‌و مه‌سد مْ ئۊشم شێرێ
نه‌رگس و شه‌هلا، هه‌ردگ وه نه‌یرێ
كه‌چ‌نگای كه‌ڵ‌وه‌ش، زاگڕوس لێ نه‌یرێ
مه‌ل و كه‌ڵ و كه‌و، گشت بان وه سه‌یرێ
خو ئه‌ڕای بگرم كه‌ڵ وڕی ده‌یرێ
قوربانی بكه‌م، خوه‌م و هه‌م قه‌یرێ
خاڵْ سه‌وز له زنج، دڵ ئۊشێ ویرێ
ئاته‌شكه‌ده‌یگه، مزگه‌وت وه ده‌یرێ
وه‌و ئاگره گْ ده‌نگم لێ ویرێ
هه‌شار هورمز، به‌یدن سه‌ویرێ
كرمانج و كه‌ڵڕ، ئاگری تا ئه‌یوان
خومار خاڵ خانزاده‌ی خه‌مان
---------------
شێئر: کتاو ئاخین، ئه‌كبه‌ر ڕه‌زایی
وینه: ژن کورد که‌لهوڕ لە كرماشان وه‌ل مناڵی
"الا يا ايها الخاوەن" دو چه‌و كاڵ
ته‌مامێ ده‌مچه‌ود، پڕ له خه‌ت و خاڵ
توام تا ئاسماند په‌ڕ بكيشم
مه‌گه‌ر خوه‌د به‌يده پيم، قه‌يرێ په‌ڕ و باڵ
_____________________
چه‌نی سه‌خت و خه‌راوه بيوه‌فايی
خودا هاوار له ده‌س داخْ جيايی
خه‌وه‌ر دان، چيد و دی نيه‌توای بايده‌و
دواره هه‌م دڵم كه‌فته‌و گيايی!
_____________________
ڕه‌زا جه‌مشیدی - له کتاو "سه‌د دوبه‌یتی کوردی که‌ڵهوڕی"
لە دیوار کاک "ڕامین بەشارەتی"ەو گیریاس.
له هجران کی وەی تەور خەمباری؟
___________
ئەر هەی بیستۊن سەربەرز بی باک
قامەت کشیده تا ئەوج ئەفلاک
ئەڕا خەمینی، پەی کی خەمباریداخ کام ئەزیز وه سینه داری
مەر مەحرەم ڕاز کام دەردەداری
له هجران کی وەی تەور خەمباری
سینەد جای تیشەی کام دڵنەوازه
وه جای هەر تیشەش یەی دنیا ڕازه
ڕاز کام ئاشق ها سینەی پاکد
ئاود چۊ زەمزەم، کیمیاسه خاکد
وه زاهر بی‌خەم، وه دڵ ناڵانی
فەرسووده و زام ئەقیدەی ساڵانی
نیشانەی دێرین تاریخ مادی
ڕازدار ئشق شیرین فەرهادی
ئەو د ناکامه له باوەشد مردن
ڕاز ئشقبازی وە ت سپردن
شاهد ڕەنجەیل فەرهاد پاکی
وه زەرب تیشه سینه سەد چاکی
لەوح ئفتخار، گەنجینەی ڕازی
ئستوار قامەت، سینه فەرازی
قەرارگای شیرین شەودیز سواری
ماوای عاشقان دڵ بی‌قەراری
جای سەیر و شکار نەونەهاڵانی
بەهەیشت بەرین كورده ماڵانی
سینه خراشیای تیشەی فەرهادی
تەبیئەت بوکر، ختتەی ئابادی
ئەی قەڵای سەربەرز ئەڕام ئەزیزی
جای شیرین فەرهاد خسرەو پەرویزی
سەراود ئەسرین، گریانه چەود
وه لای گاماسیاو چۊ بەیدەو خەود
هیمان تووز خەم ها بان شاند
هەور دڵتەنگی وارید له باند
وەی تەور تا وەکەی خەمین بنیشی
پەی مەرگ یاران هەر ئاخ بکیشی
سەر بەرز خەمین خوەم شەریکدم
هاوڕاز شەوەیل دڵ خەریکدم
هەم ت خەمینی، هەم م خەمبارم
ت زەخمى تیشه، م زەخمی یارم__________
كەرەمڕەزا فەتاحیان
به‌شم گریانه
به‌و تا بچیمن ڕا پاى بیستۊن
سه‌ربه‌یم له جاگه‌ى فه‌رهاد و شیرین
له‌وره گووش به‌ده‌نگ داد و بى‌دادمتو جوور شیرین و منیش فه‌رهادم
به‌و تا بگیریم وه چه‌و پڕ ئه‌سرین
تن ڕا من بگیر و منیش ئه‌ڕا شیرین
ئیمه هه‌ردوگمان گیرى توایمن
خوه‌شى كه‌ى دیمن، وه تیه‌ڵ ژیایمن
هایده ناو دڵم وه قورئان قه‌سه‌م
سوزانیده‌سه‌م نیه‌زانم وه‌خوه‌م
تن زانید خه‌فه‌ت كردید وه به‌شم
بیس و چوار سه‌عات كز و نه‌خوه‌شم
شه‌رتوو له داخد سیه بپووشم
بى تن شه‌راو خوه‌شى نه‌نووشم
شه‌رتوو له داخد دى یادى نه‌كه‌م
خوه‌شیم دى نه‌ما، گشتى بى وه خه‌م
شه‌رتوو له داخد له‌یره نه‌مینم
تاكه‌س نه‌زانى ڕا چه خه‌مینم
شه‌رتوو له داخد له هه‌ر كوو نیشم
فكرت بكه‌م و هه‌ر ئاخ بكیشم
كه‌فیگه‌و هۊرم قسیه‌یل جواند
من بۊم وه خۊنى چه‌ن كه‌س له‌باند
بخه‌ره‌م ئه‌و هۊر جوور دڵداره‌یل
نه‌كه‌ره‌م وه یه‌تیم له‌پاى دیواره‌یل
یه‌و جا وه دروو بپرس هه‌واڵم
كزم كردیده و له زووان لاڵم
دى ته‌مام سوزیام، زامم هاوه ئیش
دڵمیش سیه بۊ، له قه‌وم و له خیش
یه چ ڕووژیگۊ هه‌ردوگمان یه‌ك ناسیم
گیرووده‌ى گیژاو ده‌ریاى وه‌سواسیم
وه‌سواس كوشتگه‌سه‌م، بڕه‌س وه دادم
تیمارم بكه و بییه نه‌جاتم
سالم خه‌مانى
هیچ نظری موجود نیست:
ارسال یک نظر